W utopkowyj zegrodce wiosna rzondzi.
Stare powiarki o wiośnie:
Niy jedyn dziyń ciepły, czyni wiosna po zimie.
Na świyntego Grzegorza idzie zima do morza.
I wiosna by tak niy smakowała, jak by przedtym zimy nie było.
Wiosna frelka, lato matka, jesiyń wdowa, zima macocha.
Z wiosnom nadzieje rosnom, a w marcu, jak w garcu.
Jak przed Zwiastowaniym żaby rechotajom,
to im jeszcze te pyski pozamarzajom…!
Kiedy przed Zwiastowaniym pszczoły sie ruszajom,
to mokro nom wiosna pewnikiym prziwołajom.
Wiela dni ciepłych przed Zwiastowaniym Panny Maryji,
tela po Zwiastowaniu śniegiym i dyszczym przeplotanych.
Na Zwiastowanie jaskołki sie pokazujom,
ludziom wiosna zwiastujom.
Mgła na Zwiastowanie, przepowiado rzyki przebranie.
Źle tymu co sie w marcu urodzi, bo ciynżko takimu dogodzić.
Suchy marzec, mokry moj, bedzie żytko choby goj.
Choć w marcu słoneczko rajcuje, niyroz pola śniyg zasuje.
Nima w marcu wody, nima w kwiytniu trowy.
W marcu - jak grzmoty butlujom,
w lecie z nieba krupy sie sujom.
Jak w marcu sioć niy zaczynosz – o swojim dostatku zapominosz.
Wiela razy przed Wojciechym zagrzmiom pola, tela razy po nim zabiyli sie rola.
Na swiyntego Franciszka
trzynsie łogonkiym pliszka,
A przyleci kosztym tonim,
Bo na skrzidle boczonim.
Ciepłe dyszcze w kwiyciyń, wrożom piekno jesiyń.
Kiedy w kwiytniu dużo wody, wtedy moj przynosi chłody.
Grzmot w kwiytniu - dobrom nowinom,
już mroz listkow nie pościno.
Jak kwiyciyń jest pochmurny, a moj z wiatrami,
Urodzajny rok przed nami.
Jak pod koniec kwiytnia dyszcz porosi,
Błogosławiyństwo polom przinosi.
...............................................
Łońskigo roku Szarusia wychowała se synka i teraz sie
paradzi śnim po cołkim obyńściu.
![]()
Szarusia
(tresowano kura od wnuczki Zosie)
